Kosovaki policiake adive ule jene neve 446 policia ceremonia diplomiripaski e 59-to generaciako e Kosovake Policiako adikerdili ani sala “1 Tetori”  ani Prishtina.

Presidenta Osmani  anglo kadetya kola diplomime vakergya kay adivestar on siton ano garavipe sakole dizunesko ani Republika bizo ulavipe. Kosovaki Konstitucia si tumarodikhipe. Tumen akana ulen kotor e policiako vash te servisinen siguripe thay obligacia vash garavipe mare samatrandengo vakergya Presidenta Osmani. Oy ayekha vakergya kay akava dive si mahatno vash o sah ano yekhuno vakti mothavela o resipe e bukyako kola kerde o qhaya thay qhare terne vash te oven gardianya e Republikake.

Ministri e Administripesko thay  Lokalune Raipesko, Elbert Krasniqi, bahtakergya e Kosovake policen e 59 generacia kola si diplomime adive, ov vakergya kay kotar o sah gendo 88 si kotar o komunitetya kola ka servisinen ani Kosovaki policia kote mashkar olende si 7 jene kotar egipqanyuno komuniteti hramingya o Krasniqi.