Kosova adive shrdla registripe e populaciyako, yek procesi aqhavdo kote ajukergyola 17 may.

Ageniciya vash Statistikaki ani Kosova dela pe janipe kay kayaver registripe te kergyol vi diyaspora, manusha kola refuzinena intervistipe vash te den informaciye si te len joba koter 30 ji pe 2000 euro.

Sar dela pe janipe Agenciya vash Statistike ani Kosova, informaciye kola si te kedingyon ano tereni ka serviringyon vash o kritikune decisipya kay qalvela sakova aspekti e jivdipasko, sar sastipe, edukipe, ekonomia, infrastruktura ji ano planfikipe e politikengo.

“Kota 5 aprilo ji pe 10 aprilo 2024 butikerutne si te vizitinen tumare khera, vash po buderi te ulaven materiali sar: Broshure, janipaske lila, te vash te informinen registripe. Mashkar kava vahti shay te ovel versavi intervista ekonimukni familya. Kotar data 10 aprilo 2024 ka shrdinol registripe totaluno”.

“Intervista manlgape te adikergyol ano obyektya e thaneske pashe khera/apartamentya e respodentitske (dizutne). Intervista shay te adikergyol ano: apartamenti, kher, te sine kay silen bahqa, balkoni yase aver versave thana kote si komoditeti vash intervista”.

“Leype pe dikhipe koba si eknomikuno familya, bersha, poli, ajukeripe kote ani yek ekonomikuno familya si 4 jene si te adikergyol pashe 30 minutya” potencrinla Agenicya vash Statistike ani Kosova.