Avdive ovela 16 bersha kotar I miratipe e Kosovake Republikane Konstituciako. Olako miratipe sine yek historikuno momenti so hramila yek nevi epoka vash e Kosova.

Kosovaki Konstitucia ratifikisali e 9-to aprilea 2008 thay khuvgya ano zoralipe e 15-to yunea odole bersheste. Sar may yuridikuno akti ano them, Konstitucia garantinla hakipe thay temeluno tromalipe sah themeske dizunenge. Prekal olaki konstitucia, Kosova definisali sar biumlavdo them thay sovranyuno , yeke raipaske demokratikune sistemea thay e respektipea e hakipesko thay manushikane tromalipesko, sar temeluno kobaripe e amalipasko. E ovipea akale divesko, presidenta Vjosa Osmani vakergya kay Konstitucia si supremyuno norma koya dela identiteti thay kobaripe amare demokratikune amalipasko.

Numay ko mashkar vakti Ambasadori e Yekhune Amerikake Themyengo ani Prishtina, Jeffey Hovenier, ano 16 bersha e Kosovake Konstituciake miratipasko, deklaringya kay Yekhune Amerikake Thema si pakhivale vash o phikoipe pederal e Kosovaki populacia ji ano pheripe e caktime viziako ani konstitucia vash yek tromali thay demokratikuni Kosova.

Numay Sheruno e Kosovake Demokratikune Partiyako, Memli Krasniqi, vakhergya kay akala trin bersha Kosovaki Konstitucia may but sinela mangipe te garavgyol kotar o Kosovako Raipe. Krasniqi ano yek posti ano Facebook vakergya kay o Raipe na resli te iklol ano garavipe e Konstituciako, koya sila obligipe krisyuno, institucionaluno thay nacionaluno.

Numay ko mashkar vakti Ternengo Forumi e Kosovake Demokratikune Partiyako evolveringya yek simpolikuno aksioni anglo obyekti e Raipasko, hramindoy yek tepihi hramime “ Konstituciaki Kriselin”. Ano 16 bershipe e Konsituciako, Raipe phiravdo kotar o Albin Kurti sar may baro peravipe e may uqe yuridikune aktiskoano them.