Raporti e Themeske Departamentesko vash o Manushikane Hakaya vakerla kay ani Kosova na sine manglarde yaveripya ano 2023 bersh vash e situacia e manushikane hakayengo.

Mahatnipe ano raporti vakergyola vash o manushikane hakaya kola sine seriozyune problemia ano umlavdipe e krisipasko, seriozuno aqhavipe mamuy tromalo vakeripe thay tromale medie, astarindoy ini maripe thay daravipe zurnalistyengo, seriozuni korupcia e Raipeski numay mamuy o partneria sar kay maripaske krimya numay daravipe thay maripe mamuy etnikune nacie thay yaver komunitetya.

Raporti vakerla kay Kosovako Raipe lela pakivale bajakya na numay phiravde vash o identifikipe thay rodlaripe, krisipe thay deyipe krisipasko vsah ofiseria kola shay abuzinde e manushikane hakayencar.

Diskriminimipe mamuy o etnikune komunitetya

Diskriminipe ani baza racyuni thay etnikuni aqhavgyola e Kosovake konstituciatar, numay phiravdile o raportipya vash maripe thay diskriminipe mamuy o grupe e haricune komunitetyengo. Prekal o dizunengo avokati sine problemi ano pherdo implementipe thay efektivuno e krisyengo sar kay nanipe e kapacitetyengo ano instituciye. Amalipesko maripe, ano umlavdipe diskriminacia ani buti, phiravdili mamuy Kosovake serbya thay yaver etnikune komunitetyenge grupe. Haricune grupe arakhlile e diskriminacia ano yaverune niveliya sar edukipe, socialune servisipya, vastipe e qhibyako, tromalo phiripe thay yaver garantime hakaya prekal o krisi.