Emisari EU, Miroslav Lajçak, reagingya vash o beshipe trin riguno kova adikerdilo ano Bruksel. Ov prekal yekh hramipe ani platforma X vakergya kay iklilo yekhe propozipea nevo vash kompromisi vash dinaresko puqipe.

“Ajukargyum yekh beshipe kotar dialogo vash te arakhlova yekhe alosaripea vash puqipe e dinaresko. Ano akava beshipe dengyam buhlo than e rigenge vash te mothaven pere pratsavya”.

“Beshipe agorisalo mothavindoy yekh dokumenti kompromisesko vash yekh tentativa kay te nakhaven o yaveripya. Ka ajukerav ano avutno beshipe palo so ka lav konstruktivune komentia”, vakergya o Miroslav Lajçak.

Palo agoripe e beshipyengo, o Talosherunoministro e Kosovako, Besnik Bislimi vakergya kay akava beshipe e nakhle beshipyendar sine may buderi konkretizimi, kote o riga vakerde vash thay phanglo ideye kova prezantimgya o Lajcak duy kurke may angle.

O Bislimi vakergya kay e Serbia sinela nesave nashukarne deklaracie, kola prekal oleste akava kerde kay o pratsavya te cidingyon.

“Adive dikhlam angluni ver dokumentime kotar e Serbiaki rig sar on dikhena o procesi e asociaciake keripesko, numay vash mashkarthemutne thay Kosova, asociacia lelape pe godi sar mekanizmo kova azutinela o komune e buderi serbyencar te kordininen pere nesave bukya, E Serbi adive mothavgya mekanizmya vash legatimacia pere prezencako pereilegalune serbiyake strukturengo ani Kosova. Ayekha phiravgyapurano khelipe e tendenca kay te sigurinel metode prekal kola ka len garancie vash licencipe e ilegalune strukturengo sar si e  “Postanska Banka” ani Kosova. Dikhindoy o pratsavya nashti te pashon, palo nekobar orya vakeripya, o Lajcak respektindoy o lole linye e rigengo, ov nikislo yekhe neve propozipea, kova but hari ka ovel sine sar paluno propozipe kova iklola kotar o Lajcak thay kote manglape te da amare komentia ano avutne divesa vakergya o Bislimi.