Presidenta Vjosa Osmani  vakergya kay granti kotar o 200 milioni euro kotar e Korporata e Sfidengo e Milebershengo thay Raipe amerikako ka transforminel energiako sektori ani Kosova.

Osmani: Granti ka transforminel sektori e energiako ani Kosova, zoralo ovipe e partneritetesko e YATH

Osmani kergya pe janipe kay araklile e talopresidentea e MCC,  Cameron Alfrod, ji kana mothavgya kay akava programi si zoralo ovipe e partneriotetesko e Kosova e amerikake thema. Ini sheruno e Sombeshipesko Glauk Konjufca, ajukergya avdive e Talopresidente, Cameron Alford, amalime kotar o ambasadori e YATH ani Kosova, Jeffrey Hovenier, Ko mashkar vakti agencia e Amerikake Raipaski, Korporata  e Sfidengi Milebershengi thay Kosovako Raipe, avdive lansirinde o programi “ Kompakt” kova ka shainel alosaripe e shuzharde energiako, vash te laqharel  situacia e energiaki ani Kosova. Ani ceremonia e parafipaski ano zoralipe akale proyektesko vakerna e presidenta Vjosa Osmani, sherunoministri Albin Kurti,a merikako ambasadori ani Kosova, Jeffrey Hovenier thay talopresidenti e Korporatako Sfide Milebershune, Cameron Alford.