Bahtalo Herdelezi savore Romange! Sako berś ko 6-to Maj o Roma keren o Herdelezi/Đurđevdan. O anav kava divesqo avel katar o anava duje dženenge: o Hizir thaj o Ilyas. O manuśa ke Anadola pakhian kaj o Hizir brakhel e ćar/e luluden thaj e ćhorrore manuśen, ov del barvalipe sa kate ov džal. O Ilyas brakhel o paj thaj e dživutren thaj del sastipe sa kate ov džal. Kadia o Herdelezi si o dives katar savo lel drom o nilaj thaj i ćar/e luludă biansavel(n). Sar phenel i paramići, o Hizir thaj o Ilyas pile bimeribnasqo paj thaj sine dživde dži akana. Andar kava dives sako berś ki rat ko 5-to mai von khiden pumente mangen e Devlestar te inkhel laćhes o ivend thaj te ovel but barvalipe e manuśenge.
Ando kava dives, ke Balkania thaj ke Turkia o Roma thoven pumen patrença, luludença thaj ćarăça, te oven śuže kana avel o nilaj.