Ani Vrdoriguni Makedonia odola parlamantarune thay presidencionalune

Ani Vrdlorguni Makedonia adive adikargyona alosaripya vash parlamantarune thay duyto runda vash presidencionalune alosaripya.

Votipaske kutie ano 3840 thana putardile pe ora  07:00 thay ka phanglon pe ora 19:00, numay hako vash votipe silen buderi desar 1.8 milionia votantia, kola ka votinen 17 politikune partie thay koalicie. Adive dizune ani Vrdloriguni Makedonia votinena vash parlamantarune thay duyto runda vash presidencionalune alosaripya.

Ano Presidencionalune Alosaripya ani gara si duy kandidatya sar Stevo Pendarovski kotar koalicia LSDM thay Gordana Siljanovska-Davkova kotar koalicia VMRO-DPMNE. Vash te alosargyol o presidenti manglape te reslol cenzusi numay iklipe e votantyengo buderi desar 40 % numay buderi desar 720 mile votantya.

Alosaripya ka monitoringyon buderi desar 2 mile dikhlarne kote 1078 thanutne thay 770 si avrune. Sar kay 66 avrune zurnalistya.

Ani yaver rig Misia OSBE/ODIHR sila akreditime 410 dikhlarne, 14 ekspertia thay 138 kotar e Parlamentaruni Asamblea e OSBE-eski, Parlamentoski Asamblea e Evropake Konsileski sila 33 dikhlarne thay e Ambada e Yekhune Amerikake Themyengi ano Skopje ka ovel ola 68 dikhlarne.

Mashkar akala parlamentarune partie kola si ani gara vash alosaripya si ini Romane kandidatya kola silen resipe te astaren beshavlin ano parlamenti.

Adive ani Vrdloriguni Makedonia ajukergyola te ovel bari gara alosaripyengi kola ka agorinen vay phanglon pe ora 19:00.