Trin evropake lideria , germaniyako kancelari, Olaf Scholz, presidenti e Francako, Emmanuel Macron thay sheruni e Italiko, Giorgia Meloni, adive biqhalde lil e Kosovake Sheruneministreske, Albin Kurti, savo kerdilo publikuno adive phanglo o dromipe e Kosovake jenipesko ano Evropako Konsili.

“Qhelalipeske o bajakya save propozingyen tumen na adresinena o mangipya urgentune vash o decisutne bajakya
Ano drom e keripesko e Asociaciako thay rezikinela te tiknarel may but o dialogo lokhyardo kotar Evropaki Unia. Angluno o proyekt statusi mothavdo kotra Specialuno reprezenti Evropake Uniako vash o dialogo, Miroslav Lajçak, nane numay propozipe e rayendar. Si modeli soliduno gatisarno e sama thay azutipa e yuristendar thay ekspertyendar evropake, bazirime ano shukarne praktipe kola ekzestinena ani Evropa”.

Ano lil ayekha vakergyola kay Asociacianane niyekh ver yekhuni e Srpska Republika thay si manglardo bajako prekal olendo o ingaripe e draft Asociaciako ani Konstituciaki Kriselin.

Ano agor e lilesko ayekha mothavgyola qhelalipe kay e Kosova pandar na kergya konkretune bajakya kana vakergyola vash e Asociacia, thay kerde pe janipe e sheruneministreske kay e “topa si ani oleski umal”.