Buderi desar ekvash miliarda euro resela o generaluno kobaripe e direktune investipyengo e amerikako ani Kosova ani paluni dekada, bazirime ano publikime stratistike kotar e Centraluni Kosovaki Banka (BQK).

Prekal akala statistike, may buderi ivestipya e amerikake ani Kosova ule ano 2022 bersh, ano pashipe sine 97.7 milionia euro, numay ano bersh savo muklam pale 2023 sine telaripe may hari ano 67 milionia €.

Kotar e Amerikaki Ekonomiaki Oda ani Kosova roden kotar o institucie e themeske te adrisinen o pharipya kolencar arakhnapethay kerena pharipe ano cidipe e avrune investipyengo direktuno thay ano umlavdipe odola amerikake.

Amerikaki Ekonomiaki Oda: Te cidingyon o samatrande vash o cidipe e avrune investipyengo

Arian Zeka kotar Amerikaki Ekonomiaki Oda vakergya kay amerikake kompania dikhena o rayoni e Ratorigune Balkanesko thay Kosova sar atraktivuni lokacia vash buhlaripe e investipyengo, numay palo sah si pharipya.

”Kosova manglape te adresine o pharipya kolencar marnape thay kola mothavna samatranda vash cidipe e amerikake investiyengo thay yaver avrune”.

Zeka dela nota kana vakergyoa vash o azutipe institucionaluno manglape yekh urgentuno uqipe e institucionalune kapacitetyengo sar kay vash promovipe e potencialesko vash cidipe investipyengo.

”Ayekha ini deipe samako palo investipe vash o avtune investitorya. Akava si daravipe kova mothavdilo ini kotar o korkore ue themeske reprezentia”.

Zeka pakyala kay o khuvipe ano avutno pashipe ka khuvel ano zorlipe o krisi vash Ivestipyengo prtsav thay ano riorganizipe e yekhlinengo vash promovipe e investipyengo ka rezultinel e efektitetea ano azutipe e investitoryengo.

“Aktualuni legislacia ano zoralipe vash avrune investitorya dela ini efektivune mekanizmya vash garavipe e avrune investipyengo”, vakergya ov.

Opozita: Deklaracia vash maripe darakarna investitoren

Deputeti e PDK-esko Ferat Shala, kova ini si sheruno e Komisiako vash Ekonomia ano Sombeshipe, vakergya kay o amerikake inevstipya pale sar rezultati e na shukarne politikyengo kotar o raipe.

”Eksporti amaro sile telaripe bayrola o importi, odoleske odova so proklaminela o Raipe Kurti ovena diso yaver”, vakergya o Shala.

Prekal oleste o nashipe investitoryengo kergya ini e klima vash shayuno maripe kova kergya o Kurti.

”Vash sakova anglo leparripe e maripesko numay kriza politikako vay ekonomiaku, akava qalavela e seriozune investitoryen thay stratejikune. Odoleske kay o politike ano palune duy bersha, kerindoy kharipe vash siguripaski situacia thay maripe kova ovela mediatikuno vash te mothaven vash e situacia siguripaske thay maripe kova ovela mediatikune vash te mothaven amaro than na stabiluno, kova mothavela kotar Raipe Kurti qalavgya thay ka qalavel ano nashalipe e investitoryengo”, vakergya o Shala.

Deputeti i AAK-esko Pal Lekaj, jeno e Komisiako vash Ekonomia ano Sombeshipe, vakergya kay o Kurti pere bukyencar penalizingya e Kosova kotar o avrune investipya.

“Kosova akana shtar bersha nikana na sine may qhelale ano gojalipe e avrune investipyengo. Sigutne ppolitike thay bange kotar Raipe Kurti, ano phiravipe kergya “politikune aksidentya” e mashkarthemutne faktoreza, kola penalizime e Kosova kotar kotar o avrune investioya”, vakergya o Lekaj.

Sar sebepi e Kurtesko, ov vakergya kay e Kosova na dendili nota olake sar shukarno than vash investipya kotar o but yaverune.

“Odoleske manga na si amen tiknaripe e investipyengo ano miliomya euro kotar o YATH thay yaver zorale thema. Akaya godi, shaipe thay akava kursi e Raipesko thay akava ovela sar alosaripe neve kote e vota e dizunenge, kote e dizunengi vota E Kosovake ka anen yaverune pozitivune vash Kosovake dizune”.

Investipya amerikake ani Albania, 27 biznesya kerutne thay 140 prekal o informacie kotar e “Albaniaki Banka”, o Yekhune Amerikake Thema si investitorio shovto may bari.

Prekal o statistike “Instituti e Statistikyengo”. ano 2022 bersh ani Albaniasi oporime desaf 167 aktivune kompanie ano bersh.Investipya avrune yekhune e Amerikake Themendar si 24 olencar kola buhlarde o aktiviteti vash keripe e 10 kola operinela kerela buti uekhuni e orijina jotar I Yekhune thema 27 olendar kola sinel I aktivitetya ani buti vash 140kola operinela o sektori e vutikeripesko

Akava artiklo si realizimo kotar o mediumi “Front Online”, vash thay ano ramie proyektesko e gazetako online Reporteri.net: “Luftimi i dezinformimit dhe propagandës përmes Edukimit Medial për komunitetet joshumicë në Kosovë”, “Maripe e dezinformaciako propagandako prekal o Medialuno Edukipe vash o haricune komunitetya ani Kosova”, financirimo kotar o granti e Amerikake ambasadako ani Prishtina. Godinipya, agoripya thay konkluzie vay rekomandipya mothavde akate si autoryenge thay na mangipea mothavela pratsav e Themeske Departamentesko.