Direktori kotar BRO Durmish Aslano, r. Fatmir Menekshe thay Direktori BRO oranizaciako Voice of Roma, Ashkali and Egyptians r. Isak Skenderi, adikergilo kedipe ani Amerikaki Ambasada e ry. Nicole Chulick – Talosheruni thay Phikodeuni e Sekretareski ani Demokraciako Biro/Ofisi e Manushikane thay Bukyake Hakayengo ani Amerika.

Direktori organizaciyako “Durmish Aslano”, r.Fatmir Menekshe adresingya o na inplementiripe e afirmativune masengo vash may baro reprezentipe thay aksesi ano institucie. Ini seske Kosovako yekhto kher, sar si o Parlamenti therla reprezentya kotar o romane prekal o rezervime thana, akava na mangla te phenol kay si pheruni demokracia, janipea kay sah ano aver institucie o gendo romane ofiserengo si but tikno.

Ji adivuno na respektipe vash e romani qhib kergya kay o roma te len but hari servisya, te ovelonlen but pharipe te len kan thay te mothaven pere problematike e institucienge.

Romano komuniteti na penjargyola kotar o formaluni siklipe feriso ni yekh qham nane dedikimi vash te prezentinel amende ko siklovne, kola si dizutne thay avutnipe e Kosovako.

Thay adresingya bi o qhelalo vastipe e fondyengo dedikime vash o romano komuniteti vash e sebepi e tikne monitoripasko thay na zoralo avazo e reprezentyengo ano Kosovako Raipe thay Ministrie. raportinela Radio Romano Avazo.