Eks Britaniako sherunoministri, Tony Blair, ano adresipe anglo deputetya e Kosovake Sombeshipesko vakergya kay na pelo pishmani ni yekh ver vash poro azutipe kova dengya e Kosovake tromalipesko. Blair vakergya kay avriyal o institucionaluno aspekti, Kosova sito tromali sebepi kay speciyaluno o terne jivdinena shaipya thay prosperiteti. Ov vakegrya kay kosovako tromalipe kerdilo vash o sa kola pakyana ano zoralipe tromalipesko thay hakesko.

Kosovaki Presidenta Vjosa Osmani khargya sar populaciako shampioni e eks Sheruneministre e Bare Britaniako, Tony Blair. Palo beshipe kova sinele o Blair ani Presidenca, Osmani bahtakergya ole thay  shukar ajukergya ani tromali Kosova, pakyavipeski thay demokraciaki. Numay eks sherunoministri Britaniako, Toni Blair, vakergya harne anglo medie, mothavindoy phikoipe vash e Kosova.

Sheruno e Kosovake Sombeshipesko, Glauk Konjufca, vakergya kay akceptipe e Tony Blair ano 25- bershipe e Themeske Tromalipasko, dela kobaripe akale divesko. Numay ko mashkar vakti palo beshipe e presidenta thay pali seanca ano Kosovako Sombeshipe, Sherunoministri Albin Kurti, ajukergya ano beshipe e Tony Blair. Truyal o vakti e NATO-ske bombaridipasko, pe 1999, Blair sine sherunoministri e Bare Britaniako, Ov yekhuno e eks-presidentea e amerikako Bill Clinton, konsideringyona sar may bare phikoyutne e Kosovake ano odova vakti.