Ministria e Andralune Bukyengo lansiringya kampanya mamuy o qhivipe e armyengo truyal o feste navea “Festin e vilea na e arma”.Puteripe akale ceremoniako kergya Blerim Gashani, taloministri e Andralune Bukyengo thay yekhatar nacionaluno kordinatori vash o kontrolipe e tikne armengo, lokhe, thay eksplozivi.  Ov vakergya kay manglape kay te avansingyon niveli siguripesko ano than.

Numay ministra Avrune bukyengo, Donika Gërvalla, koya sito kotor akale ceremoniako, vakergya kay arma na neto shey vash e festa. Vastipe e armengo sito yekh problemi kova qalavla but o amalipe ani lumia thay qalavla ini amaro amalipe ano odola dive kote siton vash te festinen thay anela loshalipe na kobi. Arma na neto yekh shey festako, numay sito rizikipesko, vakergya e Gervala.

Ano 2023to yuni / avgusti, prekal o informipya publikune sine bayaripe e ovipyengo e vastipaske armyengo truyal o familiarune festipya vash o 17. 60 %  e ovipyengo numay 25 ovipyencar buderi kotar o naklo bersh. Numay truyal akava periodi sito 42 ovipya raportime ani Kosovaki Policia vash o frdipe e armake yaga ano familiarune feste.