Institucionalune partiyenge liderya pelarde pe godi 11-to yuli, kova si mashkarthemutno dive vash o pelaripe pe godi genocide ani Srebrenica. Presidenta Vjosa Osmani vakergya kay phiravdo tromalipe shayingyola yekhuno kana si hakipe vash o viktime.

Presidenta vakergya kay e Srebrenica nane yekhuno yek than, numay manglardo simboli vash o hakipe, mahatnipe e qaqipasko thay zoralipe e pelaripasko pe godi. Pelarindoy pe godi akava dive, sheruno e PDK-esko, Memli Krasniqi deklaringya, kay ini avdive, shelenca srbyune kriminalya kola ande buderi meripya thay dukhavipya ano Balkani, phiravgyola te oven ano tromalipe, bizo leipe ni yek ver manglardo krisipe. Akava dive pelargya pe godi ini sheruno e LDK-esko, Lumir Abdixhiku. Ov vakergya kay Srbiako nashipe kotar o respodipe phiravela te qalavel na numay relacioni mashkar e populacia, numay ini yekhuno avipe auroatlantikuno so o Ratoriguno Balkani manglape te ovel ole. Sar avdive 29 bersha may angle, srbya kerde genocidi ani Srebrenica, mundarindoy 8372 civilya bi armatime.