Ini akava kurko ajukergyola te phiravgyol e uqe temperaturenca, kola astarna ini amaro than thay apelingyola kay o jene kola si nasvale thay na silen buti te na nikyon te ekspozingyon ano kham.

Hidrometeorolojikuno Instituti infominla kay ini akava kurko si te oven o uqe samayeske temperature kola si te resen ji pe 39 c, numay apelinla vash o pheruno dikhlaripe, konkretipea vash o dizune e kronikune nasvalipyencar. Sar sebepi e tate valyengo e Ministria e Sastipeski lela yekh decisipe vash o samatranduno phiripe e butyake vaktesko, numay e Ministria e Thaneski dengya samatranda vay aqhavipe e vrdenge phiripesko thay emalyengo e bara kubikazha sar so si o vrde pederal e 7.5 toyna ano autostrade thay ano nacionalune thay rayonalune droma.