Avazdenutno e Centraluni Alosaripaske Komisiako, Valmir Elezi, dengya nesave detalya vash o avutne alosaripya vash o Kosovako Sombeshipe, prekal o nevo krisi vash o generalune alosaripya.

Vash o ulavipe kotar o nakle alosaripya, ano avutne alosaripya vash o Kosovako Sombeshipe, prekal o nevo Krisi vash o Generalune Alosaripya, votantya silen hakipe te alosaren ji pe 10 kandidatya vash o deputetya yekhe politikune subyektesko. Ano nakle alosaripya votingyola sine ji pe 5 kandidatya vash o deputetya kotar yek politikuno subyekti, numay akava yaverisalo truyal e alosaripaski reforma agorime kotar o Kosovako Sombeshipe ano nilay e bershesko 2023. Akava krisesko yaveripe prezentisalo ano yek video ani socialuni rafin facebook, kotar o Avazdentuno e KQZ-esko, Valmir Elezi, kova mothavgya detalya sar phergyola yek votipasko lil.