Ini akava bersh o siklarne ka furnizingyon e shkolake pustikyencar prekal o subvencie e dadalaryenge kotar e Edukipeski Ministria, Skenca thay Tehnologia.

Ayekha kergya pe janipe e ministra Edukipeski, Arbërie Nagavci, koya penjargya kay vash o siklarne e anglune klasako ji pe panjto ka len kobaripe kotar o 80 euro, Numay kotar e klasa 6 to ji pe 9to ka subvencioningyon ji pe 110 euro. Aplikipe vash o subvencie o dadalarya shay te keren kotar o tahara ano E kosova, sa dadalarya kola putarde nakle bersheste logaripe akana sito may lokhe. Tahara ka lansiringyol yekh video vash te mothaven procedura aplikipeski vash o subvencie, vakergya e Nagavci. Oy kergya pe janipe kay akava bersh siton, 218, 696 siklarne kotar e angluni ji pe 5to klasa.