“Factorial” si yekh medialuni platforma puterdi ano aprili 2024 bersheste, prekal o proyekti “Maripe e dezinformaciako thay propagandako prekal o medialuno edukipe vash o haricune komunitetya ani Kosova” financimo kotar Ambasada e Yekhune Amerikake Themyengo ani Kosova, e grantea vash e gazeta online Reporteri.net.

Amaro resipe si narativuno zurnalizmo kote o sheruno res si o komunitetya ashkalie, egipqanya thay roma thay na numay. Azutindoy o kritikipaske debate, amaro avazo sile misia vash te laqharel, garavel thay te buhlarel informacie e mahatnipea vash o komunitetya ano garavipe olenge hakayengo, adresipe puqipyengo thay pharipya yaverune kola silen.

Amari Platforma sila resipe te kerel yekh informativuno truyalipe thay azutipesko vash o komunitetya sigurindoy qaqutne informacie, obyektivune thay phangle e lokalune puqipa thay globalune kola qalavela olengo jivdipe.

“Factorial” angazingyola vash o reprezentipe thay te azutinel e sah grupen thay komunitetyenge interesya, sigurindoy kay olenge avazya te shungyon thay te dengyol nota ano dikhipe amaro editorialuno. Amen kera e transparenca thay respondipea anglo amare komunitetya, kerindoy buti vash o mothavipe amare decisipyengo thay te la o konstruktivune kritike vash te laqhara amaro pratsav thay sah amari buti.