Ano akava beshipe lela kotor ini Amerikako azutipesko sekretari ano Birovi vash o Evropyune puqipya thay Euroazia, James O’ Brien. Oleske angazipya ano samiti ka fokusiringyon ano ekonomiluno intergipe thay ano rayonaluno thay ano pashardo shaipe kotar o plani e bayaripaske Ratorigune Balkanesko EU sar ini ka zorakerel zoralo phikoipe e Yekhune Amerikake Themyengo vash o Balkanesko drom ano dromipe jenipesko ani EU, vakergyola ano informipe e Themeske Departamentesko. Ano samiti ajukergyola te klen kotor Kosovako sherunoministri, Albin Kurti, thay Albaniako, Edi Rama, aktualuno Vrdlorigune Makedoniako, Talat Xhaferi, Srbiako presidenti, Aleksandar Vuciq sar ini komesioneri evropako vash o Koyshuyuno buhlaripe, Oliver Varheley.