Kotar e gara ano Presidenteske alosaripya ano YATH , Aktualuno Presidenti e Yekhune Amerikake Themyengo, Joe Biden kergya pe janipe kay ka cidel pe sar kandidati kotar e gara ano Presidenteske alosaripya.

Palo oleske cidipe o Biden vakergya kay ov ka azutinel e kandidata vash Presidenta, Kamala Harris koya aktualuno adikerla e pozicia Talopresidentaki ani Yekhune Amerikake Thema. Vash akava decisipe ale reagipya kotar o Kosovake themeske reprezentia, Presidenta Vjosa Osmani thay Sherunoministro Albin Kurti. Presidenta Osmani dengya uqi nota vash azutipe e aktualune presidentesko ano Yekhune Amerikake Themyengo, Joe Biden kova dengya vash e Kosova. Kotar oleske divessa sar amerikako senatori ji ano mandate sar talopresidenti thay akana sar presidenti, Joe Biden sah vakti garavgya tromalipe, niumlavdipe thay Kosovaki demokracia. Naysipe e Kosovake dizunengo ka aqhol sah vakti bahtara e Presidente Biden vash suksesuno mandate thay sah shukaripe vash oleske familiake thay oleske bersha ano avipe vakergya e Presidenta Osmani. Numay Sherunoministro Albin Kurti vakergya kay o Biden sine yekh kotar o may bare Kosovake amala. Dekadencar rendoa o Bidensine yekh kotar amala may bare thay avokusi bi qhindo e Kosovako, penjaripe e presidentesko Biden hraminela agoripe yekhe epokako. Lumia thay Kosova si yekh them may shukarno thay siguruno vash o dendo kontributi avrirenduno vash akava sah vakti ka ova naysime hramingya o Kurti. Amerikako Presidenti Joe Biden kergya pe janipe kay ka del agoripe pere kandidurako vash o ri alosaripe. Phanglo akalea ov vakergya kay kerela ano interesi e partiako thay themesko. Numay vakergya kay ov ka azutinel e kandidata, Kamala Harris vash avutni Presidenta ano alosaripya.