Biqhalno e Yekhune Amerikake Themsko vash o Ratoriguno Balkani, Gabriel Escobar, vakergya kay o hovavne raportipya kay ov cidisalo kotar e pozita, iklilo odoya ver kana penjargya e Kosovake Raipe nevipe vash tranzicia koya ovela.

E 6 mayea, Amerikake Themesko Departamenti DASH konfirmingya kay Escobar ka lel obligacia nevi ano avutne kurke.

“Dezinformacia kola ule ano vikendi kotar yekh pseuso zurnalisti, vakergya kay cidisalum numay siman phanglipe e serbiyake raipeske. Managava te vakerav qaqek, kay sah ano odova raportipe si hovavipe. Yekh hovavipe lokho te kontrolingyol. Anglo sah, me na cidisalum thay sakova ano Amerikake Themesko Departamenti dikhlargya”, vakergya o Escobar, ano yekh vakeripe e zurnalistyencar.

“Anglovakeripya kay o informacie ale kotar o informacie e Kongreseske si hovavne, odoleske kay o Kongresi nane penjardo vash dayekhe yaveripesko ano personeli. Ano fakti, raporti palo so me prekal o diplomatikune kanalya direktisalum e sah raipenge ano rayoni vash te sherden o vakeripya vash tranzicia. Thay akava raporti iklilo sigate palo so komunikingyum e Kosovake Raipeske, vakergya o Escobari.

Amerikake Themesko Departamenti DASH kergya pe janipe kay o sah ofiseria e kariera kola si ano avruno servisipe, ka yaverinen pere pozicie, e rotacia, ano sakova shtar bersha, sar regularuni praktika.

Escobari, dematingya nevipe ini vash phanglipe olesko e Serbiake Raipea, vakergya ini vash piri romni.

“Duyto miri romni niyekh ver na lela love kotar dayekh raipe avruno. Miri romni ani sakoya ambasada kote kergya buti sar

Bolivia, Portugalia, Italia thay Serbia, kerela e lekanipea e manushencar thay kerela bizo nisavo aqhavipe thay bizo kontrata vay lekanipe. Oy ka phiravel te kerel akava, thay nane amen niyekh familiaruno phanglipe vash o predenduno avokati ani krisipaski firma” vakergya o Escobar.

Biqhalno e Yekhune Amerikake Themsko vash o Ratoriguno Balkani, Gabriel Escobar, vakergya kay akautne dezinformacie, si qhelale avipaske kote “ovela propaganda ano Ratoriguno Balkani, thay ayekha yekh kotar o ovipya si o konteksti medialuno ani Kosova si kritikimo but kotar o zurnalistya biumlavde thay biumlavde organizacie”.

“Siyum qalarno ano azutipe kova dengyama o Themesko Departamenti thay azutipe kova dengama sherune thay zurnalistya ano akala palune duy kurke upral akala hovavipya kola sinelen resipe te qhiven undripya vash angazhipe kova sima vash e buti ano Balkani”, agoringya o Escobar. Raportinela /Reporteri.net/.