Konsili  e kondicia vash e Kosova thay Srbia, astarindoy progresi ano dialogi thay implementipe e resle lekanipasko

Evropako Konsili anglopenjargya kay dengya vineto dudipe miliardune proyekteske  vash o lokharipe e reformengo  vash o bayaripe vash o Ratoriguno Balkani, sar nevo instrumenti  vash te phikoinel reforme phandlo e Evropake Unia thayekonomukino bayaripe ano rayoni.

Akava plani phandela periodi kotar o bersh 2024 ji ano bersh 2027 thay ajukergyola  te pasharen ji ano 2 miliarde euro granti thay 4 miliarde euro krediti  vash o thana e Balkaneske. Konsili kergya pe janipe kay vash e Kosova  thay Srbia si panda yavera anglo kondicie, akava astarela progresi ano dialogi thay implementipe e resle lekanipasko ano procesi e negociaciengo , astarindoy ini nakle lekanipya vash o normalizipe e ledeipyengo.