Siklilam te dika ola ano proyektia thay televiziake filmikune skeqia e aktora Fiza Ramadani koya ano nakhlebersh khelgya yekhuni e albanyune penjarde humoristea.

Pasho aktripe, oy vash shtar bersh studiringya no atyengo fakulteti ani kranga rejia thay teatro.

Fiza Ramadani mothavgya so qhivgya olate lel pe e rajia ano teatro.

Oy mothavela kay palo aktripe, e rejia kergya ola may buderi shukar sar kay e rejia ano teatro thay e suksesea resla te agorinel pere studie ini kay oy mothavela kay sinela pharipe, numay o mangipe vash o arti nakhavgya o sah pharipya.

Keripe yekhe shukarne raportesko e kolegyencar thay e profesorencr vash e Fiza Ramadanin obligacie tahy proyektia e teatroske andar o fakulteti sine but lokhe thay resla te agorinel e suksesea.

Ani rat e 24 aprilesko ano Teatro “Dodona”, e Fiza Ramadani dengya premiera e dramaki e  Diplomaki “Savi te alosarav?” kotar Roger Lee.

Ani akaya drama tretiringyona o dileme sar si o aktripe o may shukarno ovipe vash alosaripe ano jivdipesko ovipe, oy mothavgya amenge o poro rejiako koncepti kote vastingya taktike komukune thay procesi bukyako e aktoryencar gelo shukar sar kay ajukerdili shukar, thay ajukerdili shukar kotar o dikhavne thay notadeyipeski komisia.

“Naysinava e sah profesoren mere kotar angluno ji akana, kote sakolestar lelum jandipe thay siklipe manglardo kote nekastar qorgum, kana vakarava qorgum e profesia ini manglape te siklol ini te qorgyol. Naysipe nakhela vash moro profesori Agim Selimi kova phiravgya mande shtar bersh, shungyama shtar bersh odoleske dayekh ver ano studipya jana te ova nashunde kana arakhape ano pharipe prekal o studipaske prodecia. Naysipe ulavdo nakhela vash o sah aktoriakola azutindema thay sinelen pakiv vash miri buti sar studenta e rejiaki”, vakergya oy.

Oy si ola plani vash avipe, kote ka phiravel o master studie ano Prishtinako Universiteto, numay te sinela dayekh shaipe ini avriyal o them vash olake si shukar alo.

“Te ulaveolen sar te mudare” vakergya e Fiza Ramadani kana puqlili a ka khelel may buderi sar aktora e humoreski numay sar rejisora e teatroski.

Na numay humoreske skeqia sar so siklilam te dikha e Fiza Ramadani, akana ka dikha ini ano teatro kerindoy teatroske proyektia ano yaverune dizya e Kosovake, numay bi aqhili ini ano proyektia thay skeqya humoreske sar komediaki aktora.

*Akava artiklo realizimo kotar o mediumi “Front Online“, thay ano rami e proyektesko e online gazetako Reporteri.net “Maripe e dezinfromaciako thay propagandako prekal Medialuno Edukipe vash o haricune komunitetya ani Kosova”, financimo prekal o granti e Amerikake Ambasadako ani Prishtina. Autori akale artiklosko si yekh kotar o (6) terne e haricune komunitetyengo ani Kosova kola gatisargyona sar avutne profesionalune zurnalistya, prekal bukyuni praktika ano medialune partneria ano proyekti. Gojalipya, hramipya thay konkluzie numay rekomandipya kola mothavgyona akate si e Autoryenge thay na mangipea vay resipea mothavela o pratsav e Themeske Departamentesko.