84 deputetya votuinde e deklarata vash e masakra koya uli anglo 29 bersha. Kosovako Sombeshipe adikergya avdive avrirenduni seanca yekhe minutea traynipe ano pakhiv e viktimyengo e genocidesko ani Srebrnica. Deputeteya e Kosovake sombeshipeske votuinde deklarata, koya drabardili kotar o talosheruno e Sombeshipesko, Bahrim Shabani. 84 deputetya, kola sine prezentune ani sala alternativuno kote adikerdili seanca e sombehsipeski phikoinde e deklarata. Ko mashkar vakti, ini Kosovako Raipe proklamingya 11 to yuli leparipesko dive. Anglo so te miratingyol e rezolucia vash o Genocidi e Srebrnicako, vakeripe lela e talominisstra Emilia Rexhepi, koya vakergya kay e miratipea akale rezoluciako kergyola te janipe kay akavutne ovipya ma te ovel palem, numay bahtakergya e sa thanen kola phikoinde boshnyakuni populacia,