Kharela ani intervista e Taloministre Durmishi vash o dromeske kontrate

Specialuni Prokuroria khargya ani intervista e Taloministre Hysen Durmishi vash o dromeske kontrate akava kergya pe janipe korkore ov.

Taloministri vash Infrastruktura, Hysen Durmishi, lela yekh kharipe kotar e Specialuni prokuoria vash yekh inetervista pe 8 mayi ano yekh hramipe ano socialune rafina kergya pe janipe korkore ov kay khardilo vash o parafipe e kontratengo ano droma Prishtina – Podujeva. Ov vakergya kay kana lela o kharipe gndingya kay kharde ole vash o ovipe kova dengya ani specialuni prokuroria anglo trin bersh numay na, on khade mande vash parafipe e kontratengo ano droma Prishtina – Podujeva. Numay dayekh kaske gndinava kay e dinamika e bukyaki dikhlola phare ano akava proyekti kova phirela prekal o plani hramingya ov. Tek hare yekhe taloministre ano intervistipe bazirindoy ano spekulacie yekhe ekonomikune operatoresko ini palo decisipe e OSHP-esko kova dela hako amenge sar kontaktipasko autoriteti, akava dikhlola mange na lekanipesko vakergya o Durmishi. Rovlaripe akale ekonomikune operatoresko proklamisale sine bi bazirime ini akale deicisipea vakergya ov. Durmishi vakergya kay pe 8 may ka nakhel ani Specialuni Prokuroria kay te mothavel olenge kay si bahtalo kay paravisalo o lekanipe e dromeske agoripesko Prishtina – Podujeva.