×
  • S’fundmi
  • Puna jonë
  • S’fundmi

    Suspendohen dy policë në Pejë: Tentuan ta lirojnë nga qendra e ndalimit një të dyshuar

    NgaKotar FactorialPublikuar: 29/07/2024 | 7:12 Publikimo: 29/07/2024 | 7:12

    Inspektorati Policor i Kosovës i ka suspenduar dy policë në Pejë.

    Sipas IPK-së, dy policët dyshohet se kanë tentuar ta lirojnë përkohësisht një person të dyshuar për armëmbajtje pa leje, i cili ishte arrestuar nga policia në Pejë dhe ishte në qendrën e ndalimit në stacionin policor.

    “Hetuesit e IPK menjëherë i janë përgjigjur rastit dhe kanë ndërmarre veprime paraprake hetimore në konsultim me Prokurorinë e Shtetit. Në kuadër të hetimit dhe veprimeve tjera të natyrës administrative, IPK i ka rekomanduar Policisë së Kosovës masën e suspendimit për dy zyrtarët policorë të dyshuar në këtë rast”, thuhet në njoftimin e IPK-së.

    Më tej, Inspektorati Policor tha se në kuadër të autorizimeve dhe në koordinim me Prokurorinë e Shtetit, do të marrin edhe veprime të tjera hetimore drejt ndriçimit të plotë të të gjitha rrethanave në këtë rast. /Reporteri.net/.

    Lexo edhe: DRABAR PANDAR:

    Factorial-Ks, © 2024 Të gjitha të drejtat e rezervuara.