Presidentja e Republikës së Kosovës, Vjosa Osmani, ka pritur në takim kryesuesin e OSBE-së, i cili është edhe ministër për Punë të Jashtme, Evropë dhe për Tregti i Maltës, Ian Borg.

Takimi është mbajtur në objektin e presidencës dhe mediat janë lejuar që të marrin pamje vetëm në fillim të takimit.

Borg të enjten është takuar edhe me ministren e Punëve të Jashtme dhe Diasporës, Donika Gërvalla Schëarz. Ndërkohë që në orën 17:00 pritet që të takohet me kryeministrin Albin Kurti.